غُربة الروح/بقلم الشاعر/محمود صبحي.
غُربة الروح
نفْس الوحدة ونفس الخوف
نفس الغربة ساكنة الجوف
نُسكت نلقى الصمت كلام
نسكت نلقى سكاتنا حروف
نِبعد نهرب يمكن ننسى
نلقى الحزن يحوم ويطوف
و كل ما نكسر صمت الغربة
نلقى صراخ الوحدة كُفوف
و لو يسألنا حبيب عن حالنا
نفس الكلمة نقول دي ظروف
نفرح نحزن نضحك نبكي
كله خلاص بقى شيء مألوف
بس كفاية علينا يا دنيا
هو مفيش غير غُربة وخوف
هو مفيش غير حزن و وحدة
فين الفرح و ليه مكسوف
نفسي بفرحك تيجي وترسي
و فرحك دايمًا عنده ظرووووف
محمود صبحي
تعليقات
إرسال تعليق