نفرتاري/بقلم الشاعر/علي عبدالرحيم محمد.
نفرتاري
نفرتاري وينك
وين ضي سنينك
الشمس جاية
تطل على جبينك
وك العادة غايبة
والسعادة اه شايبة
وليه الحيرة وخداني
ل عشق سنينك
وينك نفرتاري وينك
ف حشا مقابرها
بتحنط نبض مشاعرها
وعلى روحها جن حارسها
وملعون اللي يحن وحاسسها
ومجنون اللي يعشق مواويلها
وب اناديلها ياكاهنة روحها
مشتاق ودايب ومجروحها
وكل دقة وهمسة ونظرة
ف صحرة عمري بتغنيلها
يا ملكة روحي يا نغمة بوحي
ازاي مكحلة العيون ب الجنون
وازاي بتلفي الضفاير ب الظنون
جننيني اكتر مانا مجنون
وعلميني ازاي بيكون تحنيطك
وانتي ك العادة غايبة
والسعادة اه شايبة
وليه الحيرة وخداني
اه ل عشق سنينك
وينك نفرتاري وينك
يامنقوشة على كل دقة
ورد وياسمين وفل وحنين
يا منحوتة ب كل رقة
ازاي يفرح القلب الحزين
وبلادك بعيدة ودقاتك عنيدة
وانا والحيرة والوحدة والتنهيدة
شايفين ظلنا ف كحلة عينك
وليه الحيرة وخداني
ل عشق سنينك
وينك نفرتاري وينك
نفرتاري
بقلم علي عبدالرحيم محمد
تعليقات
إرسال تعليق