إنسحابي/بقلم الشاعر/حمدي توفيق.
** إنسحابي ** ..................... الأكيد إني .... أعلنت إنسحابي وإنسحابي في وقت غضبي شيء .... إيجابي لما تبقى الدنيا ... صعبة ولما يبقى الغدر ظاهر يبقى لازم أعمل حسابي .. . الأكيد إني ... لَميت الدفاتر ... القديمة اللي سجل فيها قلمي كل عمايلكوا اللئيمة واللي نادرة فيها جداً أي حاجة ذات (قيمة) واحتفظت باللي كانت نواياهم معايا سليمة ...... الأكيد إن الحياة علمتني كتير دروس شفت ... فيها ناس ..... ملائكة وشفت .. ياما ناس ... وحوش وشفت ناس الاسم منك وهُما أبداً لو وقعت ميرحموش ولأجل أكون منصف وعادل مش هاأعمم بس فعلاً فيه ناس للبشر مينتموش ..... الأكيد إننا في زمن .... المصالح وإن قلوبنا من إزاز .. بيكسرها لفظ .... جارح واللي فاتنا في وقت .... شدة عُمره مايرجع لنفس المطارح يعني يمشي مع السلامة وقلوبنا لا يمكن تسامح ....... م. حمدي توفيق
