بطّل تاني تطُل عليا/بقلم الشاعر/محمود صبحي.
بطّل تاني تطُل عليا
هي بتيجي معاك إزاي
و حياة عيونك
رُد عليا
هي شمال و لّا يمين
كده أنا دوخت
إستنى شوية
أفهم بس
لا و الله إنت بجد
كنت شايفني
لأ و سامعني
كمان داري بيا
قول و الله
إحلف بس إنك
فعلاً دايمًا جدًا
دايب فيا
طب و حياتي
ما أخدت أنا بالي
طب براحه يا عم
علينا شويّة شوية
قول تاني كده
إنت بجد ...
و لّا أقولك
لسه هترغي
تصدّع فيا
و أسمع تاني كلام
و أونطة و إنك كنت
صافي النيَّة
و زي القط جاي
بتنط كده قدامي
عامِلّي الخُط
بصورة مخفِيّة
إوعى تفكر
إني أنا أعمى
آه أنا شايفك
آه بستعبط
آه مجنون
لبساني جنيّة
و حياة والدك
فُكك منّي
لسّه هتحكي
تقول أنا كنت
يلا يا عم
بلاها بلا حب
تاني هتقولي
كلام حنيّة
قفلنا خلاص
بَحْ يا حُب
أشوفك أمس
و حياة والدك
بطّل تاني تطُل عليا
محمود صبحي
تعليقات
إرسال تعليق