مجرد كلام/بقلم الشاعر (حمدي توفيق.
* مجرد كلام *
*************
وعادي ودانا هتسمع
وعقولنا هتنسى
بسرعة الكلام
وهنرجع ندور على
ناس كانوا بينا
وتركوا مكانهم ماقالوا
سلام
وهنزعل شوية على
حبايبنا اللي كانوا
في قلوبنا ... بأعلى
مقام
وسابوا مكانهم ورضيوا
بفراقنا وقالوا خلاص
بقينا تمام
وهُونا عليهم وهُما
مَاهَانوا ... وزادوا
قساوة وطال الخصام
ومٕرت ليالي ... وليالي
كتيرة ... معرفش
كام
وبعد قلوبنا ماجمدت
شوية ... وقولنا نعيش
اللحظة اللي جاية
ونسينا شعور الفراق
والآلام
رجعولنا تاني وقالوا
ندمان ... تعالوا نعيد
حكاوي الغرام
وفضلوا يحاولوا
عشان مانسامحهم
وكتر ... الكلام
مرة يقولوا كنا
حبايب ومرة يقولوا
كفاية ...... حرام
طب يعني ينفع
نسامح ..... وننسى
ويرجع ما بينا تاني
إهتمام !!
قالوها زمان كريم
المسامح ولو قال
سلام نرد السلام
وتفضل ... آلام
ويفضل برضه مجرد
كلام
......
قلمي
م . حمدي توفيق
تعليقات
إرسال تعليق