الرهان/بقلم الشاعر/عبدالرازق غصيبة.
.....الرهان.....
تراهنا على أمورة
مين فينا بدا تختار
شب وفي اول عمره
او ختيار و مصراتوا كتار
..
اذا قلنا نحكم بالقلب
قلبا رح يختار الشب
واذا قلنا نحكم بالعقل
يمكن تختار الختيار
....شب وعندو قلب كبير
او
ختيار ومصراتوا كتار
لو بعرف شو رح بيصير
مين فينا بدا تختار
...
بين الجنة وبين النار
بقلبا وعقلا رح تختار
معقولة تنسى الجنة
وبسرعة تختار النار
قلبي بالحب بحر كبير
وهو بيدفع بالدولار
لو بعرف شو رح بيصير
مين فينا بدا تختار
...
فقير بس شب صغير
ورسمالي قلبي الكبير
مهرا عندي غنية
وحبسة ووردة جورية
وهوه عندوا مصاري كتير
سيارة عندو وبيت كبير
.
لو بعرف شو بدو يصير
مين فينا بدا تختار
مين فينا بدا تختار
...بقلم الشاعر /عبدالرزاق غصيبة/
تعليقات
إرسال تعليق