عمري لقيته /بقلم الشاعر /عبدالكبير محمد احمد.
🌙💥 عمري لقيته 💥🌙 شروق صبحك شمس ميلادي
شوفته بحبك يوم مش عادي
واللي ضاع.... من عمري لقيته
قولت دا سعدي ويومي النادي
قربك قدري........وشهدك زادي
مهما بعدتي.........ساكنة فؤادي
اللي أسيته.....ف جرح داريته
حبك طوى..صفحته ف كتابي
بلسم روحي......ناديتي شبابي
عشت ف أملي هجرت سهادي
وحلم منامي........اللي اتمنيته
جاني بحبك..........زاد إسعادي
زيدي حنانك.......همس ونادي
عايز البسمة.........تعلي مرادي
طرح الفرح.......معاكي جنيته
داوي بلمسك........جرح بعادي
عايز اعيش ف هواكي ودادي
واخط الشعر.......بعطر مدادي
سحر جمالك......عشق هويته
مين ف حياتي.....غيرك انادي
*********************"***
✍🏻بقلم/عبدالكبير محمد أحمد
جمهورية مصر العربية المنيا
تعليقات
إرسال تعليق