هواكي فتني/بقلم الشاعر/عبدالكبير محمد احمد.
🔥🌹هواكي فتني🌹🔥
دا غصب عني هواكي فتني
شوق جوايا....وعايز اداريه
وبحبك....... فوق ما بتتمني
خدي قلبي بكل اللي ما فيه
شفت جمالك فاق على ظني
وعبير عطرك.......غطى عليه
عشقتك مش هاحسب سني
جرح زماني....قدرت اداويه
لما غرامك........كاسه ناولني وجريت.....على حبك أناديه
زيدي حنانك عطره وصلني
وليلك....ما اقدرش اجافيه
مين بهواكي...حقه يلومني
ويشارك حبي.....ف معانيه
لو يوصف حالي هيظلمني
سحرك...جوا عيون تخفيه
وغرامك....لو ياخدوه مني
مين غيرك عطشي بيرويه
خايف......على حبك لتمني
وتيجي على قلبي وتنسيه
*************************
✍️بقلم/عبدالكبير محمد أحمد
جمهورية مصر العربية المنيا
تعليقات
إرسال تعليق