لعب بالمشاعر/بقلم الشاعرة/إحسان صادق.

*، *لعب بالمشاعر *،*

(تيجي نلعب بالمشاعر) 

 والحب دايما نساير

  ساعتها هنشوف البشاير

من فرحنا قلبنا يبقى طاير

 ليه حبيبي.. رد قولي

قولي بس إيه اللي صاير

 أنا طول عمري قلبي صابر

قالوا عني إني شاعر

 حاوي يلعب بالمشاعر

وأنا.. بين دنيا البشر حاير

 بالحب عايش دنيتي

وبيه بأدي كل الشعائر

 وقلبي يطوف بقلوب البشر

والليل والنجوم بعاشر

والسهر دربي ويا القمر بتسامر

أحكي للعشاق قصص الغرام

 يتوهوا مني في لحظة

 ويستخبوا ورا الستاير

دا الحب  والله نعمة

أحلى وأنقى المشاعر

 بقلمي / إحسان صادق