متصعبهاش/بقلم الشاعرة /إحسان صادق.
،،، متصعبهاش ،،،
متكلمناش
... وإزاي نسكت
وسكوتنا يدبحنا
وإحنا مابينا حياة تتعاش
ليه نفضل بجرحنا
وقلوبنا ما نداويهاش
معقول ننسى وكمان نقسى
نخبي وجعنا جوانا
بكفاية بقى متصعبهاش
حبيبي انا جاية مادة إيديا
أقولك بكفاية إحنا منستغناش
طاب بص جوه عيوني
واسمع نبض قلبي
لندا روحي لبي
ليه تقسى عليا ومتهونهاش
أنا ودي يا روحي
نتصارح.. ونتسامح
عشرتنا جميلة وأصيلة
أتمنى ما نخسرهاش
.... ما تصعبهاش..
... بقلمي / إحسان صادق
تعليقات
إرسال تعليق