ليه تخافي/بقلم الشاعرة /إحسان صادق.

 ،،، ليه تخافي،،، 

زي ما انت. كنت جنبي

 أيوه ساكن جوه قلبي

عمري ما انسى حبيب هداني

   ضحى ياما كتير عشاني

   عمره يوم ما كان بيرضى

  يشوف دموعي ف يوم خنقاني 

..... كنت ببكي... 

. بجري ياما كتير وبشكي

 كان ياخدني جوه حضنه

 ياما خلاني حبيبي أنسى حزني

 ولا قلقي ويا خوفي 

  كان يقولي يا حبيبتي 

 أنا جنبك ليه تخافي

 كنت ألاقي إيد تطبطب 

 وقت وجعي. ولا ضعفي

..... كان... يقولي 

 ضحكتك بلسم جروحي 

 ولا قلبك في ليل أنيني

 حضن دافي و نبض شافي

 ليه تخافي؟ .. ليه تخافي؟ 

 هو أجمل شيء حصلي 

 كنت بتوضى وأصلي 

. بدعي ربي.. يبقى. دربي 

 والحنين جوايا شارد 

 رحت خبيته ف قلبي 

 نبضه يجري بين وريدي 

 كان عشانه فرحتي ويا شرودي 

 كنت بحزن لما يبعد 

 تدبل الضحكة فوق. خدودي 

 بهرب العطر اللي ساكن

     ... بين ورودي.. 

 ولما بهرب كان يقولي 

  طاب تعالي يا حبيبتي 

 رجعي ضحكة سنيني 

 ومن تاني عودي 

   بقلمي / إحسان صادق