الشاعر.. عبدالكبير محمد احمد.. يكتب... إوعى لحبك.

 👂🏻👄 إوعى لحبك 👄👂🏻

     -----**********-------

وبفكرك...إوعى تكون ناسي

إني ف يوم إديت إحساسي

فاضل إيه... مع حبي أديلك

وأنا بعذابك.....بشرب كاسي

.................................

خدت حنان وسايبني بآسي

أشكي وما تجيش وتواسي

لو جواك... ف القلب دليلك

تعلا بحبك أقول تاج راسي

.................................

حكيت عنك... حبوك ناسي

جنب حياتي بقيت نبراسي 

توعدني..... مع حبي أديلك

وأغزل توبك.....قد مقاسي

................................

أبعد..عن ظني ووسواسي

والقى لشط الحب مراسي

أخاف موجك وأما أجيلك 

مين غيرك.. بهواه أنفاسي

................................

مهما ف حبك كنت بآسي

شهد غرام وحلاوة كاسي

ويا الليل هسمع مواويلك

إوعى لحبك...تعمل ناسي

*************************

✍🏻بقلم/عبدالكبير محمد أحمد

    جمهورية مصر العربية المنيا