الشاعر/جمال رمضان ..يكتب..نسيتك..
( نسيتك )
قبل ما تسأل إيه خلاني اليوم أنساك
كنت بتتقل وتوعد وتخلف وأترجاك
شفت دموعي ويا وجوعي عملت إيه
فات ميعاد والتاني والتالت وأستناك
لسة بتسأل وإتعمدت تبعد عني
تيجي بكدبة وتقولي غصب عني
شفت دموعي على خدي شلال
كنت بتضحك وكأنك ناوي تجنني
إوعاك تسأل تاني شيء ما يخصكش
إنت ما تعرفش الحب آه ما تعرفش
تهجر تاني تبعد تاني عندي عادي
وإزاي أسامحك وإنت ما بتقدرش
الشاعر
( جمال رمضان )
تعليقات
إرسال تعليق