الشاعرة/علا فياله..تكتب ..كله فيك( Fake)

 كله فييك (fake)

بقلم علا فياله 

كله............ fake  

كله عامل مِشْتريك 

كله ساعة ما تناديهم 

تلقى صوتك بين إديك

كله أصبح Photo خادع 

بال Edit تهرب مواجع

والحقيقه واضحة لكن 

دنيا فيها الحق ضايع 

كله شارب كاس فراق

كله  كاتم الاشتياق 

ناس تطبل للغناوي 

وناس تتطبل بالنفاق

كله لابس Mask إنه

الوحيد اللي تأمن له

وأما بس ف يوم تقرب

تلقى كل الغدر منه 

يعني عادي بقينا نكدب 

لما نتواجه.......بنهرب 

صوتنا دايما يبقى عالي

لاجل ما ع الحق نركب 

هي دنيا  ال fake سايقها 

ماشيه عكس اللي يضايقها

لما يوم  بالحق  تنطق 

يبقى موتك مش  فارقها 

يعني حقك مات ف جوفك  

إنت fake  كاره ظروفك

يعني فيها تكون تملي 

بهلوان للناس تشوفك   

**************

قد تكون صادمة ولكنها الحقيقة أو بعضها إلا من رحم ربي