الطلاق.. بقلم الشاعرة.. منى شحاتة.
( الطلاق )
بقلمي (منى شحاتة)
جمهورية مصر العربية
الطلاق لست عاشقة وقتها دا يبقى موتها
أصلها لما بتعشق بتعشق بكل جوارحها
أما هو بكل بساطة بينسى للأسف العشرة
ويروح يدور على غيرها ويسيبها عايشة ف جراحها
لو فكر مع نفسه شوية كان قدر وقتها مشاعرها
صدمتها كانت كبيرة خلاها بتسأل روحها
ايه ذنبي اللي جنيته وتدور كان ايه تقصيرها
عمرها ماقصرت فيك ولاحتى ولادها ولا بيتها
لو لفيت الدنيا بحالها مش هتلاقي ولا حتى ضافرها
اوعى تفكر أنك بيه قدرت تكسر جناحها
الست دايما قوية ولا حدش يقدر يكسرها
صدقني راح تعرف يوم إن طلاقها دا هو فرحها
هترفع راسها لفوق وبإيدها هتمسح دموعها
وهترمي وراها الماضي وهتعيد من تاني حساباتها
وهتفتح صفحة جديدة وهتبتدي من تاني حياتها.
تعليقات
إرسال تعليق