ظنك.. بقلم الشاعر... حسن سعيد مرسي.
ظنك
خليكي على ظنك
قولي لنفسك خني
كمان قولي باعني
كل حجج الفراق قوليها
بس واجهي نفسك و صدقيها
و روحك بأفكارك راضيها
لومي قلبك إزاي حبني
راجعي روحك إمتى حضنه
ضمني
كل كلامه كان كدب
قولي
ولا مرة إحساسه هزني
ولا صدق مشاعره شدني
و ما تنسيش كمان
تقولي نظرة عينيه خاينة
على كل إللي رايحة و جاية
فكري نفسك بخيانتي
و اتعلمي من غلطتك
المرة الجاية
ماتندميش
اللي هجرك خسران باعك
فامتشتريش
بعمرك قلب خاين مايساويش
عايزك شراع في وش ريح
ياخد روحك لمكان بعيد
يفرح قلبك بلا تجريح
في بحر شوقك ما تقربيش
لجزيرة شطها غير الأحزان
مفيش
في وحدتك مرتاحة
في ذكرى ليا ما تفكريش
خليكي على وعدك
من ورا قلبك ما تسامحنيش
✍️حسن سعيد مرسي
نبضة على سطري
تم الحفظ والتوثيق
تعليقات
إرسال تعليق