الشاعرة/دينا مصطفى /تكتب / طريق طويل.
طريق طويل
...............
طموح كبير
طريق طويل
مليان بالشوك
مفروش سكاكين
وحزن كبير
ودموع بتسيل
وصرخة وجع
تصحي القتيل
ودعوة مظلوم
تفوق جبروت
قلوب مجروحة
محتاجة طبيب
إبتسامة طفل
بعيون بريئة
قعدة عجوزة
سبعينية جميلة
حواديت جدي
الشيخ الكبير
عن المارد والمصباح
وعلاء الدين
وفي مكان تاني
بيتسابقوا الأطفال
لدار لحفظ القرآن
ومكان تاني
ديسكو وأغاني
وسهر الليالي
وتعالى من هنا
اوديك هناك
لمة صحاب السوء
بيعلموا صاحبهم
إزاي يشرب ويتوه
ولمة صحاب واقفين
وبنت من الجمال أية
معدية وشوف معايا الحكاية
يمشي وراها واحد منهم
يتغزل فيها ويحوم
نسيتوا الخالق المعبود
نسيتوا الحياة والموت
نسيتوا إن فيه جنة
وكمان فيه نار من حمإ مسنون
نسيتوا يوم ما تسألوا
وهتقفوا قدام
حاكم الكون
وادي طريقنا الطويل
اللي كله ذنوب
🖋بقلم دينا مصطفى
تعليقات
إرسال تعليق