شوال الفلوس.. بقلم الشاعر /عاطف كبارة.
شوال الفلوس...
عاطف كبارة
...............
شوال الفلوس...
بيتمشى
ويتمختر
ويتبغدد
على الطرقات
بيتدلع
ويتحكم
وبيوزع
هدايا وشوق
وحلويات
كبير ف السن
وشغلانته
ف وسط بنات
بيتهامزوا
ويتغامزوا
عليه ف الرايحة
والجايات
يدوب ويحب ويفرفر
وعارفين إنه
تعلب فات
ويتحسس
ويتجسس
على الإميلات
مافيش مانع كمان
يتتبع العورات
ضمير غايب
ويمكن مات
دي دنيا وحالها
بالمقلوب
وبتحكم نفوس
ف قلوب
وزي مانفسه
بتوديه
شيطانه بيأمره
ويغويه
بينسى إن ربنا
موجود
وكل اللي بيعمله
مرصود
ياخايب إنت
إصحى وفوق
مسيرك يوم
حتطلع فوق
لوحدك بس
وإنت هناك
مافيش ولا حد
حايقولك
روحي فداك
ساعتها مش حيبقى معاك
شوال الفلوس ...
عاطف كبارة
تعليقات
إرسال تعليق