زهرة/بقلم الشاعر /علي عبدالرحيم محمد.
زهرة
٠٠٠٠٠٠٠٠
باقي من العمر يدوب حبة دقات
ياريت تمر بدون غروب بدون أهات
ياريت يحلى المر ويموت علقم الذكريات
ياقلبي يا حر اتكلم وانطق بلاش سكات
ليه ف سما اليمام بترفرف وباني غية
وليه مصدق الأحلام والمشاعر المدارية
المحبة ود وصدق مش حروف أغنية
من نظرتها ليه انا تهت اه وتاهت لياليا
وموعود انا ب العيون العسلية
بخفة الدم والروح الشقية
موعود انا بطلة القمر
وبضلة الشجر ولليل وللسهر
انا وقلبي وفكري ضحية
موعود انا ب العيون العسلية
ياما كتبت انا على السطور
انا توبت انا من عشق البحور
وحلفت ازرع دقاتي قسوة الصخور
شوفتك زادت اهاتي وصبحت مسحور
دا ايه دا سحر ف الاحساس مبدور
ولا موجة عشقك هي اللي غدرت بيا
موعود انا بطلة القمر
وبضلة الشجر ولليل وللسهر
انا وقلبي وفكري ضحية
موعود انا ب العيون العسلية
ياما قالوا عليه دا كان طير مهاجر
يرفرف كل شوية على مليكات النحل ويغادر
وانا قدام جنون عيونها حتى اسمي مش فاكر
دا حنان دا ولا حرمان ولا عطش المشاعر المنسية
انسى ف عنيها الزمان وأطمع اشرب واشرب الحنية
انزل بضيك ياقمر على ارضي ونور عتمة ووحدة لياليا
انزل وهات معاك كل المطر عطشانة كل حاجة فيا
حتى الحنين دبلان يازهرة الزمان
ارويني و اسعديني و ضميني
انا وكل سنيني ب أحضان كل الإنسانية
وموعود انا بطلة القمر
وبضلة الشجر ولليل وللسهر
انا وقلبي وفكري ضحية
موعود انا
زهرة
بقلم علي عبدالرحيم محمد
تعليقات
إرسال تعليق