عيش الإيمان/بقلم الشاعر /عبدالكبير محمد احمد.
🌹🤲 عيش الإيمان 🤲🌹
ياليل وفيه..غربة ساعات
شروق يصبح...ع السكات
وحلم شاف.. شمس الأمل
حزن راح ينسى اللي فات
مادام رضينا.....خد وهات
ولقمة تحلا..........لو فتات
القلب مش ....حمل الزعل
عايش حياته.........أمنيات
تاخده الشوارع والحارات
موال.......وتشجيه الأهات
دموع تداري.....كتير خجل
تحكي المواجع......أغنيات
حلو الزمان........سكر نبات
سبوع وليد....ومعاه مغات
والملح رشوا...حسود رحل
الود عاد...يحيي اللي فات
لسه الأمل....جواه حاجات
ويقولوا...من خلف ما مات
نصيحة......في شعر وزجل
عيش الإيمان تقوى وثبات
**************************
✍🏻بقلم /عبد الكبير محمد أحمد
جمهورية مصر العربية المنيا
تعليقات
إرسال تعليق