دي الحكاية/بقلم الشاعر /حسن سعيد مرسي.

 دي الحكاية 🏝

قولي كرهتك خلاص

وقتلت حبك جوايا

بس قبل ما تقوليها

حاولي انتي تصدقيها

جرحي اللي لسه جواكي

شاهد على عشقك

لسه عطري في هواكي

مهما كنت ومهما حاولت

عارفك قاسية على نفسك

لو تلاوعك تعنفيها

لو عقلك يوسوس تكرهيه

ألف باب على سرك خليه

لكن لأني شريك جرحك

بسمع نبضك مهما تحاولي تخفيه

طيب هاقولك

ارسمي صورة لينا

وقت غضبك احرقيها

أو ابني قصور على جزيرة

وقت حنينك لو تقدري هديها

و دموعك اللي ع الورق بتكتبيها

حاولي مرة بالضحكة تداريها

قصة وكانت منتهية من البداية

حاولنا لكن كان عندنا يقين بالنهاية

كل واحد خد نصيبه من الألم

والجرح شق فينا احنا الاتنين

كل جرح وله حدين هي دي الحكاية

✍️حسن سعيد مرسي 

💔 على سطري

تم الحفظ والتوثيق