ادخلوها سالمين /بقلم الشاعر /عبدالكبير محمد احمد.
ادخلوها سالمين 🇪🇬 لو هاخد.....من حلمك زادي
وأعيد ذكرى.. تكون منسية
حبك........ساكن جوا فؤادي
يا مصر.....ف روحي وعنيه
شمسك دافية...يومك نادي ف جبينك....نور طلعة بهية
الكون.....بيقول انتي معادي
وتاريخ.....ف حياته الوردية
وصفك عمره ما يكون عادي
دي حضارة...تحاكي البشرية
وزمان....... يشهدلك بميلادي
والعالم............ خد منه هوية
يقيدوا شموعي....ف أعيادي
ويعيشوا سلام...أحلى هدية
وف كل مكان.........لما تنادي
تلاقيها أمان....رايحه وجاية
لا بتعرف كره.........ولا تعادي
تنعم بسلام.........مليان حرية
لو عشت........بفخرك أمجادي جواكي ضمير.... وانتي عفية
على شط النيل... غنا الشادي
موال محلاه............مع أغنية
قال جدي........وصية لأولادي مصر سلام........وعناية إلهية
**************************
✍🏻بقلم/عبد الكبير محمد أحمد
جمهورية مصر العربية المنيا
تعليقات
إرسال تعليق