سؤال مالوش جواب/بقلم الشاعرة /إحسان صادق.
،،، سؤال مالوش جواب ،،،
عاوزني أبوح
بتقولي يلا إتكلمي
وفين أروح..؟؟
جاوب وقولي
بتقولي يلا إحلمي
طيري لفوق
وبلاش حبيبتي تستسلمي
تعالى قوام بص لعيوني
جوايا نار...
لو كان بإيدي الاختيار
كنت أبقى جنبك ليل نهار
وليه السؤال..؟؟
بكفاية تلمح طيفك جوه عيوني
لهفة النبض اللي تايه
من هواك ومن. جنوني
جايين عيونك يسألوني
شوف الجواب...
يللي إنت جنة القلب
اللي فيك داب
نسيت معاك كل العذاب
الحب عمره ماكان سؤال
بنحب ليه؟؟ .. ونحب مين؟؟
ف الحب إوعى تسأل
عن الأسباب
أصله سؤال مالوش جواب
بقلمي / إحسان صادق
تعليقات
إرسال تعليق