واقع/بقلم الشاعر /يحيى حسين.

واقع

 

جوايا الحرف معذبني

احساس جوايا وسيل جارف

أقوله خلاص بقى سيبني

مش عايز أكتب مش عارف

وكأن الحرف هو دوايا

بيطبب قلبي واحزانه

واوقات بيكون لقلبي مراية

اوتار  له بتعزف ألحانه

ولكن الكل لي يعاتب

محبوس مع حرفك بخيالك

ضيعت العمر كتير كاتب

في الواقع بس تلقى آمالك

بلا حرف خلاص مالوه قيمة

مليم تعريفة نكلة قديمة

وجنيه ما يجيب قطعة طوفي

وملايين دولارات لنجوم سيما

سيبك من حرفك وكتابك

خليك في الدنيا وأحوالها

واكتم جواك حتى عذابك

وخليك في واقعها واهوالها

يحيى حسين القاهرة 

23 نوفمبر 2022