مش بإيدي/بقلم الشاعرة /إحسان صادق.
،، مش بإيدي،،
عارف لو كان بإيدي
كنت هفضل جنبك
ماهو إنت فرحي وإنت عيدي
مهما أتدلل عليك يا عمري
تقولي يا حبيبتي زيدي
يا عشقي وهوايا وكل ريدي
بس يا خسارة مش بإيدي
إني أمسح الدمعة من عيونك
ولا أرسم الضحكة فوق شفايفك
طاب هتصدق
نفسي يوم أخدك في حضني
وأقولك إحكي ياقلبي
قول وفضفض كل اللي جواك
فاضت الدمعة من عيوني
وإتمنيت كتير أداوي جرحك
مهما بعدنا يا روحي
هتفضل طبيبي اللي يداويني
إحسان صادق
تعليقات
إرسال تعليق