تغريدة/بقلم الكاتبة/هانم عطية الصيرفي.
تغريدة
كلام قصايد مدفون بقلبي
حامل ودايع لحبيب بعيد عني
وصله المعنى والمغزى
بس عامل تقيل ومسهر جفوني ورمشي
اعملك ايه يانقاوة
يا عسل على بقلاوة
دا انت ليك في القلب غلاوة
هتلاقي عندي حب ودفاوة
يا "قصيدة بيحتفي" بها قلبي
قرب هنا مني
بدون قسم هوعدك لو الطريق صخر وزلط هشيلك على كفي
ولو جانا البرد هحميك بين ضلوعي وضلي
ولو حميت الشمس علينا هنسم عليك بكلام قصيدتي
اقولك ايه تاني يا نصيبي ووعدي
قر ب هنا ...قرب هنا مني
بقلم / هانم عطية الصيرفي
تعليقات
إرسال تعليق