قشرة وألماس/بقلم الشاعرة/إحسان صادق.
،، قشرة وألماس.،،
هو الإنسان إيه
غير شعور واِحساس
وقلب جميل يوزن
بميزان دقيق حساس
الناس يا صاحبي أنواع
نوع غالي ياقوت وألماس
وناس دهب قشرة
تلمع بس ماليها أساس
ناس عايشة في قصور
وناس تملي تنداس
خدها مني نصيحة يا صاحبي
وعلى الأصل دور
أصل الناس وقت الشدة تتقاس
َعيش بكرامتك وإوعى
تخلي خدك مداس
والفقر عمره ما كان عيب
العيب إنك تعيش
في الدنيا فاقد الاحساس
إحسان صادق
تعليقات
إرسال تعليق