بياعين الأحلام/بقلم الشاعرة/إحسان صادق.
.. بياعين الأحلام،،
يا بياعين الأحلام عيوني
سهرانة مش بتنام
قولولي فين حلمي راح
ولا خلاص بقى أوهام
أنا عاوزة حلم يحضني
وأنسى كل الآلام
وأعيش من تاني أحلى أيام
يا بياعين الأحلام
أنا عاوزة حلم يكسر قيودي
يبلسم ويشفي كل جروحي
وأنسى ليل ألمي ونوحي
تعالى يا ربيعي ويا أحزاني روحي
يا بياعين الأحلام
أنا عاوزة أطير لفوق
وأغزل حلمي وأعيش أمل
قولولي إيه بس العمل..؟؟
غاب شمسي وطال الليل
أنا حلمي نسمة تداوي العليل
ونهر يسقيني سلسبيل
وياويل... قلبي وآه ياويل
عايش يتمنى إنه ينول
والحلم تاه بين الدروب
وإتغربت روحي وقت الغروب
باستنى فجر يطلع يادوب
يفتح لي طاقة نور
ويهديني بطاقة مرور
للسعادة والهنا والسرور
بقلمي / إحسان صادق.
تعليقات
إرسال تعليق