رد جاوبني/بقلم الشاعر/إحسان صادق.
،، رد جاوبني،،
بتداري ليه عيونك عني
حزنك بجد بيجرحني
طاب بس تعالى و كلمني
تصدق الدمعة اللي بتنزل
من عينينك بحسها تنزل من عيني
حزنك مهما تداريه ياروحي بيألمني
بحس بقلبي كده مقبوض
وروحي تئن وتلومني
أرجوك بسرعة عليك طمني
أنا هافضل كده مستني
تقول وتفضفض علشان
سكوتك بجد بيقتلني
وحزنك للهم بياخدني
معقول بتسكت
وإنت اللي بحنانك بتعلمني
معنى الحياة ولدنيتك
دايما يا عمري بتاخدني
حقك عليا.. يا نور عينيا
زعلان ليه.؟ . رد جاوبني
تعالى قوام كده ف حضني
بالراحة حبيبي فهمني
بتداري عيونك ليه عني
وإنت اللي سكنته ف النني
رد جاوبني...؟؟؟
بقلمي / إحسان صادق
تعليقات
إرسال تعليق