حرف ف سطر/بقلم الشاعرة/إحسان صادق.
** حرف ف سطر **
أيام تدور بينا بتمر
دنيا وفانية إياك تتغر
خليك فيها دايما حر
إوعى غيرك ف يوم تضر
فيها كتير كر وفر
تجري الأيام بين حلو ومر
في خير وكمان في شر
شمش بتشرق وقمر ينور
نور وضلام وليل ونهار
حيرة وحزن و كمان فكر
فرح في يوم ودمع و كدر
برق ورعد وراهم مطر
همس جميل و حكايا السمر
حب و ويل وكمان سهر
هو إحنا إيه غير حرف ف سطر
صفحات بتعزف على وتر الدهر
هاقولكم المفيد والمختصر
كل شيء مكتوب ومتقدر
فوق الجبين كله متسطر
سطر مكتوب على صفحة قدر
بين السطور كلنا بنسير
سطر قوام بيسابق سطر
وفجأة ينتهي بينا العمر
وف الآخرة إما جنة و إما نار.
تعالوا هأقولكم دلوقت السر
خليك في الدنيا مجرد عابر
إياك فيها ياغلبان تخاطر
ولا تلعب فيها و تغامر.
اعبد ربك وليه دايما سافر
حب غيرك واجبر خاطر
ربنا يجبر خاطرك ف الآخر
عرفتوا السر... عرفتوا السر
بقلمي / إحسان صادق
تعليقات
إرسال تعليق