مش كفاية/بقلم الشاعرة/إحسان صادق.
،، مش كفاية،،
ان قلت بحبك مش كفاية
دانا يا حبيبي
عاشق ومجنون ف هوايا
عشقتك يا روحي ومنايا
يا نسمة صيفي
وف عز البرد إنت دفايا
يا عزف نبضي ولحن غنايا
ليه بس تغيب عني جاوبني
ومنى قلبي تكون ويايا
بحلفلك بالشوق المتخبي
وعيوني لقلبك ده مراية
وياك يا حبيبي نسيت أسايا
يا فرحي اللي جاي يرقص
يا سبب سعدي و هنايا
بيني وبينك مسافات
.. والروح تروحلك ساعات
عيوني تسافر وتجيلك
وتحكي كل الحكايات
طاب عارف طيفك يا حبيبي
بيزورني ف كل الأوقات
ونبضي ده ساكن جواك
بهمسة شوقي بناديلك
والله يا روحي بهواك
يا أجمل. قلب ودقات
يعزف مع قلبي عزف نايات
بقلمي / إحسان صادق
تعليقات
إرسال تعليق