بنت مصر/بقلم الشاعر/عماد الألفي.
🌹 بنت مصر 🌹
عماد الألفي - مصر
**************
ياجمالِك – ياحلاوتِك
يابنت مصر ياغالية
مِين قَدِّك ؟ مِين زَيِّك؟
دا كفاية إنِّك مصرية
مَعرُوفـة من الأَزَلْ
نشيطة ما تعرف كَسَلْ
حَـبُّـوبَـة وزَيِّ الـعَـسَـلْ
بَدر في سمانا اكْـتَـمَـل
فلاحة وسط الغِيطـان
أو بنت بَـنْـدَرِيَّـة
كُلِّك مَوَدَّة وحَـنـان
زايدين إنسـانِيَّة
مِين قدِّك ؟ مِين زيِّك ؟
دا كفاية إنك مصريـة
وَقت العمل سابقة الرجال
صَبْر وعزيمة واحتمال
وف بيتِك أجمَل مِثال
للحَــلاوة والـدَّلال
ياحياتي – ياروحي
ياقلـبـي – ياعينية
في كل مكان بتروحي
بِـتْـنَـوَّرِي الدنـيـا
مين قدك ؟ مين زيك ؟
دا كفاية إنك مصرية
مصرية ومين قدِّك
كل البلاد تِشْهَد لِك
بإن انتي طُول عُمْرِك
عاشقة سماكي وأرضِك
وطنية ياناس وطنيـة
وقت اللــزوم فدائـيَّـة
يابنت مصـر يا غالـيـة
انتي اللي عليكي النية
مين قدك ؟ مين زيك ؟
دا كفاية إنك مصريـة
تعليقات
إرسال تعليق