كان نفسي/بقلم الشاعرة/إحسان صادق.
** كان نفسي **
كان نفسي مع بعض نكمل
إيدي ف إيدك والصعب نتحمل
ونطير للسما وفي عيوني تتغزل
تسمحلي بس إن أنا أسال
راح فين الحب اللي مابينا..؟؟
ولا ماكانش حب من الأول
معقولة حبيبي بقينا أغراب
والحب اللي ماكان بينا بقى سراب
ونسينا إننا كنا ف يوم أحباب
دقت ف حبك وجع وعذاب
بتقولي هنرجع.. طاب قولي إزاي..؟؟
بتقولي حبيبتي😢
..مش قادرة أسمعها
ولا قادرة كمان إني أصدقها
بس كفاية وإياك تقولها
إوعاك.. إوعاك تكملها
بتدوس على روحي وتوجعها
ولا تحس أبدا بوجعها
أوجاعي كتيرة.. إزاي أتحملها..؟؟
كان.. نفسي بجد كان نفسي
رحلتنا مع بعض نكملها
آسفة خلاص ما عنديش غير كلمة
اعذرني كان لازم أقولها
بعدنا مكتوب.. قدر محتوم
حبك بقى عندي مالوهش لزوم
. وروحي مقدرتش تصونها
متلومنيش ونفسك روح لومها
بقلمي / إحسان صادق
تعليقات
إرسال تعليق