كن معايا/بقلم الشاعر/علي عبدالرحيم محمد.
كن معايا
دا حزني منك وفرحته عندك
كن معايا
دا وحدتي اه وغربتي ايوا منك
وازاي يا اغلا الناس اشفى منك
كن معايا
كل العالم ضدي وانت العالم
وانت غالي عندي وربي العالم
شوفت فيك الصحاب والأحباب
بلاش تكتب على سطوري
أه حروف الاشواق والعذاب
بلاش الفراق يسكن قلبك
وازاي يا اغلا الناس اشفى منك
كن معايا
كل الطيور رجعت عشها
كل البحور حضنت شطها
كل البذور نبتت ف أرضها
الا انت غايب ونبضي شايب
والشوق ف قلبي اه دايب
وكل حاجه جوايا بتسألني عنك
وازاي يا اغلا الناس اشفى منك
كن معايا
اللي بيني وبينك قدر لازم يعيش
وبلاد بعيده عنيده وسفر ما بينتهيش
غير عشق سنينك وحياتك ماليش
ابعد وسافر واعند وهاجر
وروحي تنده عليك غصب عني وعنك
وازاي يا اغلا الناس اشفى منك
كن معايا
بقلم علي عبدالرحيم محمد
تعليقات
إرسال تعليق