صوت الوجع /بقلم الشاعر/حمدي توفيق.
صوت الوجع
.................
صوت الوجع عالي
رغم إنه من... جوة
بيزيد صحيح الهم
ويزيد كمان .. قوة
طبطب على المجروح
من برة ومن .. جوة
.....
صوت الوجع .. دايماً
بيشاور على . صاحبه
ويشوف معاه .. ياما
وكله من ....... بخته
فيارب ع القلب هونها
وياخد بقا .... مساحته
...
صوت الوجع ممكن
كان يبقا طاقة نور
يقيد شموع للحياة
بس الأمل .. مبتور
ف مسيرها . تتعدل
وأحوالنا ...تتبدل
وتكون فرح وسرور
....
طول ما الحياة سايرة
طول م الوجع موجود
بس اللي شاطر صح
يجعل لآخره .. حدود
ويستعين .... بإرادته
وبربنا .. .... المعبود
....
أنا لما زارني ...الوجع
قولت ملكش ... مكان
عندي الكتير ....منك
وحمولته ... بالأطنان
خليك جدع وامشي
شوفلك ف غيري مكان
.....
ملعون ابوه .. الوجع
دايماً .... بيؤلمنا
من كل وقت جميل
غاوي إنه ... يحرمنا
بس برغم .... عذابه
أهوه برضوا .. عَلمنا
وعرفنا مين الصديق
ومين للغدر .. سَلمنا
...
بقلمي
م.حمدي توفيق
تعليقات
إرسال تعليق