قلبي ملهوش باب/بقلم الشاعر/عبدالكبير محمد احمد.
💖قلبي ملهوش باب💖
ها حوط زمانك.... بسور
واقفل.... ع الزمان الباب
واسأل..........بنات الحور
أنا ليه.........صوابي غاب
فيه جنبي.......ضي ونور
دلوني..........إيه الاسباب
اخلي الطبق....... مستور
قلبي.........ف هواها داب
حورية..........وسط بدور
عقلي.........بجمالها شاب
العشق فيها.............غرور
وسحر....... بفتنته خلاب
وسيرة...........حلوة تدور
سؤال........ملهش جواب
حسنك.......كتاب منشور
سقيتي شهده...... شراب
طرح الغرام..........مبدور
وحبي ......عمره ماغاب
من غير.....ما الف وادور
وساحر..... بإيده حجاب
خلاص........بقيت مبهور
أخاف....... لو دلالك غاب
وتشوفي......... لو معذور
عايش.....ف حبي شباب
وحتى..........لو فيه سور
مانا قلبي....ملهوش باب
*************************
✍🏻بقلم/عبدالكبير محمد أحمد
جمهورية مصر العربية المنيا
تعليقات
إرسال تعليق