مهما أمرتي/بقلم الشاعر/عبدالكبير محمد احمد.
🔥💖مهما أمرتي💖🔥
إن قولت لأ.. قلبي يقول آه
خليني اعيش. القرب حياة
ماتزوديش..الهجر وحيرتي
ونيجي...على حب عشقناه
آه من جمالك.. توهت معاه
شفتك.. شباب للقلب صباه
لو تعذريني...هاتبعد غيرتي
والعشق...راح نشتاق لهواه
ننادي كاس......بغرام مليناه
وزمان عطش..شهد شربناه
أستنى حلمك..مهما سهرتي
وغنوة...من همسك وصداه
لو يعلا موجك.......هاترجاه
واقوله خدني.....لشط نجاه
أركب بحور وانتي سفيرتي
ونرسي.......على بر اخترناه
نملاه بحب.......عنين ترعاه
ونقول يا شوق...نسينا الآه
ولو العوازل يظلمو سيرتي
خلي العتاب...يوصل لمداه
يا نجم ليل وقمر ف سماه
سهرت ليلي...وحلمي طواه
هيمان بعشقك..مهما أمرتي
علشان غلاوتك..زايدة معاه
*************************
✍🏻بقلم/عبدالكبير محمد أحمد
جمهورية مصر العربية المنيا
تعليقات
إرسال تعليق