أحلف على إيه/بقلم الشاعر/عبدالكبير محمد احمد.
😀أحلف على إيه😀
هاتحلفني..أحلف على إيه
فيه ف القلب...اللي مكفيه
كل ماتجرح...تيجي تداوي
بعدك......انا ماقدرش عليه
وحشتني.....واسمك بناديه
شهد الدنيا........اتسكن فيه
اعيش وصله....كأنه غناوي
خدني جمالك...يا ابن الإيه
فين سحرك........ولا مخبيه
كل عوازلي.....بيحكوا عليه
تحيا بحب....وتفضل غاوي
بحر عيوني....ها تغرق فيه
روح على قلبي..ويلا داديه
وازرع وردك.......ضل عليه
عطر هواك...وبخورك جاوي
ومادام ناوي......احلفلك ليه
هات شوقك....بعنيه اراعيه
وسكنو قلبي......هايفرح بيه
خليك....ف بحوري معداوي
وريني شطك....نرسي عليه
*************************
✍🏻بقلم/عبدالكبير محمد أحمد
جمهورية مصر العربية المنيا
تعليقات
إرسال تعليق