متقولولش/بقلم الشاعر/حمدي توفيق.
👌 متقولولش 🤏
🤲🤲🤲🤲🤲🤲
متقولولش كان ورَاح
وِضَاع كَمان المُحتمل
وإن بُكرة مَفيش أمل
كُل شيء رَغم الضياع
ييجي بس ... بالعمل
وإن بَعد كتير ضياع
لِسه في بريق .. أمل
متقولوش كَان ورَاح
وإن ذاتي ... مُستباح
بالهدوء كُله ... يرجع
بَس مطلوب السَماح
متقولوش كَان زمان
وإن خَلاص فات الأوان
كُل حَق لاَبد ... راجع
بس حاسبوا الألعُوبان
لو تحسبوا كل اللي فات
واللي سَبب ... خلافات
تلاقوا السبب ... الوحيد
إننا (أدمنا ).... السُكات
يعني م الآخر خلاص
كُل صح وله ...أساس
قبل مَانبني ... بيوتنا
نبني أخلاقنا .. بِحَماس
تاني لَازم إني ... أقول
حَرفي بيصحي العقول
مِش ها مِل من الكتابة
نجمي رَافض .. الأفول
ومعنى حَرفي لن يزول
متقولولش إحنا إنتهينا
لأن مصايرنا .. بإيدينا
وبالعلوم إحنا ..إبتدينا
بس تتوحد ... جهودنا
ونعمل كل اللي .. علينا
متقولولش وفي عقولنا
متلعبوش زهقنا من كُتر
المناهدة ومن تَلوين كُل
الوشوش اللي .. مليانة
رتوش .... .إحنا مش
عايشين في ... دُنيا
إحنا عايشينها .. في
غابة وكُل اللي حوالينا
وحوش .... متقولولش
وفي عقولنا متلعبوش
🌟🌟🌟
بقلمي
م. حمدي توفيق
تعليقات
إرسال تعليق