نسيمك روح/بقلم الشاعر/عبدالكبير محمد احمد.
🌊نسيمك روح🌊
استنيت....ف نسيمك روح
يحيي أمل ويداوي جروح
كل خطايا......رايحة لدربك
مين غيرك....أشكيله وابوح
صمت بيسكن..طير مدبوح
هجر الأرض.. لأعلى سفوح
إسقيني....شهد حلاوة ردك
من غير نبعك مش مسموح
شايفك ضلي منين ما بروح
ضحكة سن ف وجه صبوح
يرسم خجلك نور على خدك
يزين الوصف...جمال الروح
بنيت.....من أحلامي صروح
عشق جمالك زادني طموح
لقيت أملي...غرامه ف ودك
ف إيدك قلبي كتاب مفتوح
ردي سؤالي......بكل وضوح
عايز أملي........بعطره يفوح
توب مغزول......بيزين حبك
وكل ظلام ف حياتنا يروح
*************************
✍🏻بقلم/عبدالكبير محمد أحمد
جمهورية مصر العربية المنيا
تعليقات
إرسال تعليق