هامش حياتي/بقلم الشاعر/حليم محمود أبو العيلة.
هامش حياتي
سـهران عـلى هامـش حياتي
أنا ولـيلي وقلمي والذكريات
بَـنْكُـش ف أيـامي تـراودنـي
ذكـرى حـزينـة من زمن فات
ورويــت فــؤادي بـدمـوعـي
ورمـوشـي بتغزل ف روايات
وقـلبي حـب وعشق بالفطرة
ونـسـج قـصـايـد وحـكايـات
وليـلي واقـف حـداد ع القمر
وعــويـل وعــزف ف نـايـات
رعشة برد صابتني ف بؤونة
وقـلـبـي بـتـواسـيـه الأهـات
وعـقـارب سـاعتـي مشـلولة
ماشية مسنودة علىٰ عُكازات
وجوارحي سيباني وفيتاني
وعـقـلـي تـايـه ف الـحانـات
وكل قصيدة حب ف ديواني
حَرَمْت عليها قلبي والنبضات
ومفرداتي محكومة بالاعدام
ومشانق منصوبة ع الطرقات
وقصايدي دي عمري وحياتي
وديـواني اتـنفىٰ ف المدارات
مكتوب باحساسي وعواطفي
والــحــبـر كــان دم ودمـعـات
وقلبي فضل معايا بدون روح
وانا لسه عايـش وقلبـي مات
كلماتي:
الشاعر: حليم محمود أبو العيلة
مصر
تعليقات
إرسال تعليق