علامات/بقلم الشاعر/حمدي توفيق.
** علامات **
*************
عَمل الزمن ...عَملته
وإدَانَا ..... وِشُه التاني
سَرق شَبابنا .. وِجِري
بِشَكل مِش ... إنساني
وِسَاب الزمن عَلامات
كَانت لِنَا .... آهات
وِعَلينا أصبح جَاني
عَمل الزمن .... عَملته
وفَرْق أحِبَةْ ..... كِتيِر
مِليون سُؤال وِسُؤال
وكُل يُوم .... تَغييِر
مبَقَتش حَاجة مَضمُونة
وِالأمر جَد ...... خَطِيِر
آه مِن مُرُور ... الزَمن
عَلى الوْجُوه وَيَاالقلُوْب
سَايب كِتير ...... تَأثيِر
عمل الزمن عملته
وسابلي أثر للشيب
ودي سنة ....كونية
مفيهاش .... لا ليه
ولاعيب...
مفيش شباب ... ولا
شيب ..... بيتشالوا
في نفس ....الجيب
بس اللي
يوجع صح إن اللي
عَلمته ..... عَليك
بيصبح .... ديب
ومهما كان ... منك
تحس ..... إنه غريب
عمل الزمن عملته
والحق ... ما يزعلش
العيب بقا ... فينا
وأكيد هقول ليه
مقولش؟
إحنا بقينا وحشين
من جوه مش حلوين
قلمي فصيح فعلاً
بس ... مبيظلمش
ياريت ... بقا
من حرفي متزعلش
......
بقلمي
م . حمدي توفيق
تعليقات
إرسال تعليق