كان نفســي(بقلم الشاعر/مجدي متولي ابراهيم.
''✍كان نفســي
طول عمري وأنا بدادي
بخبي حزني جوه قلبي
وابتســـــم لكل أحبابي
لجل ما شوف البسـمة
مرسومة على وش أصحابي
عمري ما تأخرت يــوم
ولا عاتبت اللوم باللوم
دايماً تلاقيني بســامح
وارمي همي مع زماني
أصلي بخاف الوحـــدة
وبخاف أكون وحداني
أنا اللي العمر سرقني
وأخـد مني كل غالي
لما قلت .. أعاتب نفسي
لا قيتني واحــد تاني
اتغيرت كل ملامحي
وملا الشيب رأسي ووجداني
صرخت من جـوايا
قـولت .... آآآه ... يا ني
إيه اللي فاضل ..... مني
وإيه اللي جنيته من التاني
إلا صـوت نفسي
أصـــل أنا كان نفسي
ألاقي جنبي أصحابي
ملقتش غير نفسـي
ملقتش غير نفسي
''✍الأديب/ مجدى متولى إبراهيم
تعليقات
إرسال تعليق