الحب مالوش عيد/بقلم الشاعر/محمود صبحي.
الحب مالوش عيد
الحب يعني الأمان والوفا
يعني لمّا أحتاجلك
ألقى وياك كل الدفا
وأبقى تحت سماك
أعيش الأمان والصفا
الحب مالوش عيد
ولا هو ع الحياة جديد
ولا عمره كان دبدوب
ولا وردة حمرا وصورة
عليها شوية قلوب
الحب ف الحياة أسلوب
يعني لما أشتاقلك
أكون م الإرادة مسلوب
وألقى الحزن مني إختفى
الحب مش حروف
أو كلمتين على سطر
الحب مرة ف العمر
يمحي جوانا كل المر
يعني أكون غنوتك
همسك ف وحدتك
سكوتك كلامك
أبقى كل دنيتك
وألقى بيكي قلبي إكتفى
يعني أكون تنهيدة
لمّا تلمس روحك
تسافر بيكي بلاد بعيدة
يعني أكون جواكي
نبضة حايرة وشريدة
الحب مش عناد
وخصام وقسوة وجفا
الحب هو نبع الغرام
هو الوئام والهيام هو
الوجود والسلام والصفا
الحب قبل ما يكون كلام
ألقى الحنان ويّا الأمان والدفا
محمود صبحي
تعليقات
إرسال تعليق