العاشر من رمضان/بقلم الشاعر/عبدالكبير محمد احمد.
العاشر من رمضان
ذكرى العاشر.....من رمضان
وعبور جيشنا...وجاله أوان
كان العدو....تايه ف غروره
ويومها العالم.....كان حيران
جنود مصر..يا ناس جدعان
يدوا الروح......لفدا الأوطان
لما الباغي...يزيد ف شروره
ينهوا وجوده..ف كل ميدان
قول يا تاريخ..سطر يا زمان
نصر بلادي........صبح عنوان
شاف العالم....عرضه وطوله
مصر ولادها...ابطال شجعان
مش هانعيش على كنا وكان
ولا ها نخاطب.........ود كيان
ولا هايفرط مصري ف دوره
ولا ها يسلم..........يوم لجبان
مصري وحافظ..عهده وصان
حارس أرضه........ماليها أمان
حامي الوعي......بعلمه ونوره
روح وعزيمة........لبلده ضمان
*************************
✍️بقلم/عبد الكبير محمد أحمد
جمهوريه مصر العربيه المنيا
تعليقات
إرسال تعليق