قالوا علينا/بقلم الشاعر/جمال رمضان.
قالوا علينا
قالوا علينا يا قلبي كبرنا
بعد ما عشنا العمر لغيرنا
وإللي عشنا عشان نسعدهم
راحوا ولا قالوا كتر خيرنا
قالوا علينا كلام مش فينا
قالوا علينا إن إحنا نسينا
راحوا وهجرونا ولا سألوا
وكأننا أنا وإنت إنتهينا
زرعنا الورد في البستان
لقينا الشوك في كل مكان
ياريتنا مازرعنا ولا جنينا
والعمر راح وكأنه مكان
يا ألف خسارة يا قلبي علينا
يا ريتنا ما بعنا ولا إشترينا
والعمر كله راح ببلاش
وزي ما رحنا زي ما جينا
الشاعر/جمال رمضان
تعليقات
إرسال تعليق