بلاش عتاب/بقلم الشاعر/عبدالكبير محمد احمد.
🤨😄بلاش عتاب😄🤨
حتى العتاب.....قفلت بابه
مباخدش منه.....غير كلام
الوهم ليه.....نعيش سرابه
لايدي إيه.....ولا يسوا كام
مشيت....ورا أملي وشبابه
وعام يروح...من بعده عام
الوعي.......لما يروح ضبابه
ونعيش.....مع الدنيا بسلام
مش ميري.....بحلاوة ترابه
ولا برد.......هايجيب الزكام
حلم الأمان.......طول غيابه
لما البطون......شبعت حرام
لا فيه جميل...نعمل حسابه
والضرب بقا....تحت الحزام
عشمنا راح......لسنين خرابه
والود ضاع......وسط الزحام
الصدق نام........داخل جرابه
والكدب عاش من غير لجام
طعم الحياة......مر ف شرابه
وعي القلوب.....محتاج علام
**************************
✍️بقلم/عبدالكبير محمد أحمد
جمهوريه مصر العربيه المنيا
تعليقات
إرسال تعليق